موسوعه كلمات اغاني نوال الكويتيه

**sweet angel** الإثنين يونيو 07, 2010 6:38 pm

خمس جروح

قل وشتبي بكيفي
خلني على كيفي
كتله مشاعر مهمله
والحزن هو ظيفي
لا تسألني اشلوني
لوني سمار الشمس
لا يهمك جنوني
تراها جروح خمس
اول جروحي قـلب .. ميت من الاهمال
وثانيها صدمه حب .. مات بـرواقـه بـال
ما عدت انا اهتم .. بـجـراح مـا تـلـتـم
وخلني اكمل لك
واسمع بعد شملك
باقي ثلاث جروح
بـحكيـها لـك واروح
الـثـالثـه احـزان .. من راسي لاقدامي
والرابعه هجران .. ماتـت بهـا احلامـي
ما عدت انا اهتم .. بـجـراح مـا تـلـتـم
وخلني اكمل لك
واسمع بعد شملك
باقي الاخيره نزف
باقي الاخيره ضعـف
دمــع وقـــف بالـعـيـن
جــمــر حــمــر مـا جـف
خامس الاخماس .. يا سيـدي الحساس
انــي انــا كــلــي .. ما عاد بي احساس
تسألني عن كيفي !
والله مالي كيف
والحزن هو ظيفي
والهم بقلبي سيف
آآآه خمس جروح

أعاني

الغريب اني اعاني مثل كل الناس اعاني
مثل كل اللي هواهم
و الهوا راح و نساهم
او تناسى ما عرف قلبي الوناسه

ليش يا احلى زماني
بعت ايام الوناسه
كل ما طابت جروحي
زادني الحب انتكاسه
هو تركني و ما تركته
هو فضحني و ما فضحته
هو تجنى و صار خصمي داسني بقسوه و شراسه
و انقتل ما كان فيني من غلاه اللي ابيه رافض حتى يبيني
كيف مثلي اليوم يهدا و خطوته هم و تعاسه
و كيف مثلي يصير عاشق و الزمن شارد بناسه
و زاد نبض الشوق فيني
و اكتشفت اني ابيه للاسف هو ما يبيني

أحاول

أحاول اخفي احساسي
ولكن بالعشق مفضوح
تشوف الفرحه في عيني
وأحبك بالعقل والروح
أحبك حب ما أقدر
أعاند فيه احساسي
لقيت الحب شي اكبر
من اني اخذ انفاسي
حياتي أمرها بيدك
وحبك سيدي وسيدك
وعمري ما ابتدا قبلك
وعيدي بالهوى عيدك
حبيبي عمري لك والروح
وقلبي بالعشق هايم
فداك الروح وروح الروح
ياربي تبقى لي دايم
معاك الدنيا شي ثاني
معاك الدنيا ذي احلى
ومهما كانت الدنيا
معاك احلى اكيد احلى
تخيل دنيا من غيرك
او لحظات من غيرك
انا ما اشوف في الدنيا
وبقلبي احد غيرك

الحب خلد

كل الدروب توصل القلب بابك
الحب خلد سيرتك داخل الروح
تبقى حبيبي لو بقى لي عذابك
حبك رسمك بناظري وين ما اروح

لو كان مافي الوصل غايه و مصلوح
مشكلتي اني ما اتحمل غيابك
يزيدني قربك احاسيس و جروح
و اقول حظي زين مادام جابك
الصمت عذبني و عذبني البوح
حتى استوى عندي خطاك و صوابك
رغم الجراح و رغم ما راح مسموح
اعاتبك و انسى الالم في عتابك
حسبت اشواقنا غابت وأثاري الشوق تو ما فاق
وأثاري بقلبي الساهي حنين لك بعد باقي
أنا ما كنت أحسب أن القلوب الساهية تشتاق
ولكنت أحسبك في يوم تجي وتحرك اشواقي
سهيت بصفحة كتابي لقيتك بأول الأوراق
أنا لاهي مع كتابي لقيتك كلك أوراقي
ألا يا حبي الأول ألا يا غايتي مشتاق
هقيتك مانت في قلبي وأثرك داخل أعماقي
من أشواقي أهلي بك حياتي والغلا سراق
نعم لأجلك سهى فكري حياتي وكنت لي باقي
أهلي بك من الفرحة أهلي بك من الأعماق
حسبتك ما انت لي باقي وأثرك مالك اشواقي

الشوق جابك

غبت عني والشوق جابك...عمري الغايب هلا بك
يا مسى الاشواق ياروحي...الهوى يسأل جروحي الهوى مشتاق
في المحبه ابتدي من وين...في المحبه يا غرامي
شوقي لك بعثر كلامي...يا حبيب روحي
قول لي ياخلي من اللي...ياخذك مني وانا اللي
توقف ايامي في بابك...في غيابك يا حبيب روحي
في دروبك الف كلمه شوق...تبتدي بك تنتهي بك
تضحك بنظرة حبيبك...يا حبيب روحي

--------------------------------------------------------------------------------

انا المسئول

أخلفت في وعدي والله ما ودي
كل الظروف ضدي في عالم مجهول
غلطة وأنا المسؤول
لا تبتعد غاضب من حقك تعاتب
حقك علي واجب كل مشكلة بحلول
غلطة وأنا المسؤول
إحنا بشر نخطي بس ناخذ ونعطي
هالزعلة لا تبطي الأنتظار مملول
غلطة وأنا المسؤول
لوما الغلى ماجيك عل العذر يكفيك
باللي تبي أرضيك آمر تدلل قول
غلطة وأنا المسؤول

انا ودي

انا ودي يا حبيبي اوصلك
ولو يكون الزمن و الناس ضدي
ألا ليت الاماني يا حبيبي
تتحقق و الوصل يصبح بيدي
احب الليل يذكرني بك
حبيبي اقضي الليل سهرانه لوحدي
احب الشوق في عينك يناديك و يناديني
يبيك تحط بس يدك بيد

انا ولا انت

من اللي يعذب الثاني...انا ولا انت ياخلي
من اللي يسهر يعاني...من جرح الهوى قولي
تمنيتك امل موعود...على مد النظر موجود
تنسيني ليالٍ سود...سود ايامي تولي
من جروحي اهلي بك...وانا راضي بتعذيبك
و ليمن شافتك عيني...دموعي فاضت تهلي
اكيد انه انا منك...وانا مالي غنى عنك
حبيبي لا تعذبني...على الدنيا انا من لي

اربع سنين

أربع سنين إنتطالع بالعيون
أربع سنين وحكينا بس بالعيون
لا هو يعرف من أكون
ولا أعرف من يكون
بس بالعيون
وهذا حال من المحال
لا تستغربون
على هالحال تجمعنا الصّدف أمرار
ليالي طوال وبالخاطر حكي وأسرار
حتى المكان اللي جمع ما بيننا
مل وتعب والله تعب من صمتنا
وهذا حال من المحال
لا تستغربون
لمتى صمتي وصمتك يا حبيبي يطول
لمتى نحبس حكينا وما نقول
كلمة .. وبكل بساطة
من هو اللي يبديها فينا
والله لو عندي الجراءة
أنا قبلك أبتديها
وهذا حال من المحال
لا تستغربون

الا انت

من عليه قلبي يغار الا انت
من عليه اسهر ما انام الا انت
عمري كله و شوقي كله
يسوى من غيرك انت
من يقول ان العيون اللي
تسهر في غرامك اسهرت
من يقول ان السما
بكل النجوم بحظها ولا ما احظنت
يا حبيبي لك حياتي لك
و عمري الباقي و الله كله لك
يا حبيبي بكل احساسي
و كل الحب ودي اسألك
من عليه قلبي يغار الا انت

--------------------------------------------------------------------------------

انتهى الامر

فاهم وانا فاهـــــــم
مالي وياك اي تفاهـــــم
انتهى الامر وكشفتــــك
شفتك بعيني معاهـــــــم

وش بقى عندك تقوله وش بقـــــــى
روح وبعد روح لله البقــــــــــــــــــا
روح لا تفوتك مواعيد اللقــــــــــــى
كرر الكذبه لجل تثبت غلاهــــــــــــم
من قهر قلب ذبحته بين ايديــــــــــك
ودي اصرخ وادعي من قلبي عليــك
ماتخاف الله انا شسويت فيــــــــــــك
ذا جزا الوافي يا ناكر عطاهـــــــــــم
ابتعد عني وانا راضي الشقــــــــــى
واترك النار لخفوقي تحرقـــــــــــــه
مابقى فيني بقايا مابقـــــــــــــــــــى
خلني بهمي روح اتبع هواهــــــــــم

فارس احلامي

توها حبيبي تبتسم دنياي
وأحلى الأماني صدقت وياي
إنت حبيبي وفارس أحلامي
واللي بعيونه تضحك أيامي
شفتك وشفت الفرحة جدامي
ياللي بقربك راحتي ورضاي
أنا من زمان تسأل عليك عيني
وفي كل مكان صوتك يناديني
ياللي إنتظرتك عمري وسنيني
وكل ساعة شوقي لك يوديني
ما كنت أنا مصدقة تناديني
يا هواه حب لقيته
يا هواه قلبي وعطيته
يا حب نطرته سنين
وروحي عشقت دنياه
حطيت عليك العين
وعمري إنكتب وياك
تسلم حبيبي والعمر يفداك

قد ما حبيت

قد ما حبيت شي من قلبي نقص
قد ما حسيت يمكن احساسي خلص
و دايم قمة الاشياء بداية عكسها دايم
قد ما رحت و رجعت و رحت ثاني للغياب
قد ما منك زعلت ما بقى فيني عتاب
ما بقى لي ما بقى يا مهاديني الشقا
حلم ثاني تقتله ..ماتت احلامي خلاص
شفت وش علي النجوم فوق هامات السحاب
عندها قدرك في يوم طاح كالنجمه شهب
ما بقى لك عندي شي و انطفى لك كل ضي
يكفي لا تعتب علي لا تعاتبني خلاص

غروك عذالي

غروك عذالي و قالوا...اني لعهد الحب ناسي
خلوك تجفيني و تبعد...وتصير بعد الود قاسي
و انا الذي ضخيت...انكرتني و جزيت
قلبي الجفا و البين...وين الوفا وين
نسيت ياخلي دلالي...وامرك على عيني و راسي
وارخصت لاجلك كل غالي...وارواك صافي الحب كاسي
غليت وتعاليت...وهجرتني و رميت
ودي بغمضة عين...وين الوفا وين
مسكين قلبي كم يعاني...نوحه بصدري هد باسي
يرثاه كل قاصي و داني...عاشق وفي حبك يقاسي
اشتاق لك وبكيت...و احن لك واقفيت
و الدمع عالخدين...وين الوفا وين

قول احبك

قول أحبك يبتسم عالم خيالي
وأحلم اني مالك الدنيا لحالي
أشتري كل النجوم من السما
وما أخلي وردة تشعر بالظما
واقرى للريح القصايد والبس الحكي القلايد
واتعطر من وجودك وانتظر حالي ردودك
قول احبك
قولها خل المسافة تقترب أكثر وأكثر
وانتلاقى حتى لوصعب الكلام يكفي أدري عن شعورك والغرام
اهدني طوق النجاة خلني احيا للحياة
قولها مرة حبيبي رجع لقلبي صباه
ليه خايف هذا انا واحساسي قدامك وشايف
مدري كيف ابدي حبيبي مرتبك مثلك خايف
يا رجا الملهوف تكفي لم باقي الشوق يدفى
واحظن الشوق بوجودك وخلني داخل حدودك
دام ها الشوق فينا والهوا يركض يبينا

--------------------------------------------------------------------------------

هذا حبيبي

هذا حبيبي حرت انا في ظروفه
تفداه روحي فدوةٍ ما لها قياس
لأجله يضيع العمر ما هو حسوفه
حيثه ربيع فؤاد ما خالجه يأس
اكتب حروفي بالهوا مع حروفه
و احلى قصيدي فيه للروح نوماس
ليته يطمن قلب يشكيه خوفه
حتى يعرف اني بشر دم و احساس
نفسي على حبه دوام عطوفه
سخرني له ربي على جملة الناس
انا اشهد ان الروح مهي مكلوفه
هو مالك قلب سكن فيه الاحساس

حبيب العمر

حبيب العمر لو ترضى
فداك العمر لو القاك
كفاني ما جرى و مضى
من تعبي من فرقاك
وجف الدمع في عيني
و ذوبني الحنين
تسلي العاشق دموع
و حزنه والانين
متى من نوركم ومضه
تنسيني عذاب جفاك
وتسعد قلبي لو لحظه
بهمسة حب من نجواك
ولا في بينك وبيني
عواذل حاسدين
مناي الطرف ما اغضه
و خوفي لا يغيب ضياك
وكل الكون ذا يفضى
اذا ما اعيش انا وياك
اناجيك و تناجيني
ونحيا عاشقين

خذاني الشوق

خذاني الشوق لعيونك وجيتك
طرالي شي ما عمره طرالي
على بالي ولا لحظة نسيتك
اسولف فيك من حالي لحالي
تغيب الناس لا جيت ولقيتك
اشوف بضحكتك وقتٍ مضى لي
خذيت من العمر عمر وعطيتك
دفا الايام وسعود الليالي
انا وش لون اعيش ان ما لقيتك
تذكرت الغياب وضاق بالي
تعال وقلبي المشتاق بيتك
فرشت الورد لقدومك يا غالي
زرعتك للوفا ظل وجنيتك
تذوب الشمس وغصونك ظلالي
تجول بخاطري لا من طريتك
اماني مالها اول وتالي
خذاني الشوق

لا شك ترضيني

لاشك ترضيني لك قلب يغليني
وان كنت او ما كنت حبك يكفيني
تفرح بك عيوني و احلامي و جنوني
لقيت فيك الحب و قلبك يكفيني
مافيك يعنيني يا اجمل سنيني
لا تفكر انت اليوم ما عدت تعنيني
لا تزيد لا تجرح تتجاهل و تسرح
لا تظن عمره يوم غيرك يكفيني

لقيت روحي

لقيت روحي بعد ما انا لقيتك
بعد اللقا ارجوك لا لا تغيبي
صعب علي ابقى وانا ما نسيتك
احساسي كني بين ربعي غريبي
كل ما تبيه من عمري انا عطيتك
حتى الخفوق ينطق بكلمة حبيبي
ليت النجوم تقبلها مني ياليتك
في كل فجر بقول يا شمس غيبي
كم لي اصيح و اقول ياني فديتك
ماعاد شي من نصيبي نصيبي
ياكل عمري لك بعهد وفيتك
انت حبيبي و باقي لي حبيبي
في هاجسي وحلمي و وهمي لقيتك
حتى الاماني في الامل لك تطيبي
ابد ما اظن اني في لحظه نسيتك
وان كان ذا ظني فالله حسيبي
و هذه مناتي بعد ما انا لقيتك
ابي حياتي تهتويني حبيبي

--------------------------------------------------------------------------------

لو رحت عني
لو رحت عني ضاق بالحيل صدري
و انت تعرف اني بكم زود مهتم
يامن كسرت لي خاطري و انت تدري
ان الخواطر كسرها للبشر ظلم
لا تبتعد و يضيع وياك عمري
و انسى فرح امسي و اعيش في هم
خلك معي يا ماخذ كل فكري
وياك يا عمري كل الايام تلتم
اخاف لو ترحل يصاحبك فجري
و ابقى في ليل يفتكر ماضي الحلم
انسى زمان اول و اقبل بعذري
لي قلت لي آسف بقول لك تم

متغير كلامك

ليش متغير كلامك...هذا موطبعك معاي
انا احسك مو طبيعي...انا احس في شي غريب
انا اعرفك من عيونك...وانت تعرف يا غلاي
خل كلامك كله واضح...قبل لا شمسك تغيب
حيل عذبني غموضك...و صارت اسرارك هواي
وصار همي بس اعرفك...اخاف لك غيري حبيب
اسألك ليش تتهرب...يا شقى قلبي و عناي
انت بعيوني الاماني...وانا عن عينك اغيب
كنت اقرب من حياتي...كنت لجروحي دواي
صرت تسمعني انادي...يا حبيبي و ما تجيب
من هو غيرك في حياتي...كان عايش في سماي
ودي اسمع منك انت..............خلي جروحي تطيب

نصيبي

انا يا ناس وين القى نصيبي
مع اللي ضاع في حبه شبابي
يعذبني و اقول انه حبيبي
و اسامح لو تماده في عذابي
بعيد و صار من قلبي قريبِ
ولا ادري شلون في حبه غدا بي
يجي مره و مراتٍ يغيبِ
وانا قلبي مع اشواقه سرا بي
خذاني بغفلت اشواقي و طيبي
و مكن بالحشى جرحٍ سطى بي
ترا طبعه معي دايم غريبِ
ولا منه خذيت الاصوابِ

نساني

عرفت الناس والدنيا وطريقي
وعرفت إن الهوى كذب وأماني
خذاني الشوق والحب الحقيقي
لذاك اللي عقب ودّه جفاني
نساني للأسف في عز ضيقي
وأنا في غمرة جراحي أعاني
لقيته في هوى غيري غريقي
تنكّر من هواي ومن حناني
هني اللي في هالدنيا طليقي
وما له صاحب مثله أناني
ألا وينك أنادي يا رفيقي
بعد حبه فلا بي حب ثاني

روح

الله حسيبك واجرح قريبك
وخط بيدك خط النهايه
نهايه احلى واصدق بدايه
واجرحني اجرح وبجرحي افـرح
سو ما بدالــــك وابدى بمغيبك
روح .. روح .. الله حسيبك
ياللي خذيت من عمري راحتي
انسى خلاص خلني لوحدتي
روح ما انت اول حب يروح
روح ما انت آخر حب يروح
الضي يروح والليل يروح
حتى الجروح تجي وتروح

الجورى الإثنين يونيو 07, 2010 11:17 pm

روعه ياسلام نبغه كمان والله محتاجك انا ودخيل الحب ولولا المحبه

**ميلاف** الثلاثاء يونيو 08, 2010 9:25 am

يسلمووووووووووووو حياتي

الإثنين	الثلاثاء	الأربعاء	الخميس	الجمعة	السبت	الأحد
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

موسوعه كلمات اغاني نوال الكويتيه

موسوعه كلمات اغاني نوال الكويتيه

رد: موسوعه كلمات اغاني نوال الكويتيه

رد: موسوعه كلمات اغاني نوال الكويتيه